المصطلحات
السلام عليكم جميعا..ونطلب من الله الشفاء العاجل لاخينا..
هده بعض المصطلحات البحرية
البشكيرة........وهي المكان اللي في البحر كانديرو ليه اسطاير بالحجر يعني cloture ونترك باب يدخل منه السمك لما البحر كايطلع حتى كايولف اوفواحد النهار صاحب البشكيرة كايسد المكان المحلول بالحجر فكيبقى الحوت في البشكيرة ملي كا يرجع البحر الحوت يبقى حاصل غير في الضايات
المنديل......وهو عبارة عن خنشة كانحلوها من واحد الجهة على الطول ..او هادوك الجهات اللي على الطول كانخيطو معاهم 2 عصي باش يمكن لينا انفتحو او انسدو الخنشة...وبهدا المنديل يمكن لينا انصيدو الحوت اللي حصل في البشكيرة..
المادة......وهي عبارة عن خيط طويل بحال الباناكري كانديرو فيه بزاف اديال التراقع ونطعموهم ولما يهرب البحر انزلوهم ونتقلوهم بوتد او شي حاجة ثقيلة... ونخليو البحر يطلع عليهم او في الهربة نبداو انجرو الى حاصل شي حوت..او يمكن واحد يدخل الخيط للبحر بواسطة شامبرير.
التسريح........وهو الصيادة بالغراف.
الكالومة.......وهي العلامة اللي كاوضعوها اصحاب الفلايك باش يعرفو موقع الشباك اديالهم..
الهمز.....وهو المرية الكبيرة
|