,
|
|
|
ماكين الا حوت ولا دجاج
يسم الله الرحمان الرحيم
السلام عليكم ورحمة الله وبركاته
إخواني الرياس الأعزاء غدي نحكي ليكم واحد القصة وقعت ليا في يوم من الأيام جمعت العدة باش نمشي أنا أوو خالي نصيدوا بالليل في المون الكبير مولاي يوسف بالدارالبيضاء مشينا أوو وصلنا المون أنا جبدت القصبة نصاوبها أوو طعمت بالسردين أوو خالي بدا تيصاوب واحد الكاميلة ديال البصلة والدجاج والزبيب أنا مشيت شحطت القصبة أوو حطيتها في البيكي أوجيت جلست حدا خالي أوو الماكلة كتطيب فوق البوطة واحد شوية واحد الرايس بدا تغوت عليا قال ليا والرايس راه معاك شي حوت كبير أنا نودت مشيت تنجري القصبة أوو لقيتها مقاوسة مزيان أبديت تنجمع الخيط أشي رياس تنعرفهم جاو وقفوا حدايا شي تيقول ليا هدا شي درعي كبير أوو واحد داخر قال لي راه شي سنور (الفرخ) كول واحد أوو اشنوا بقا تيقول أنا تنجمع الخيط أوو هداك شي بقا تيتقال أوو القصبة قوسات مزان أوو منين قربت حدايا بقيت تنطلع بشةيا بشويا باش ما إتقطعش السبيب أوو كان الظلام بزاف هديك الليلة مكانش القمر إوا جبدنا داك شي أوو بان ليا بحال شي سنور فيه شي 14 كيلوا أفرحت أواحد الرايس قال ليا بصحتك الرايس اووأنا نقول ليه الله إعطيك الصحة واحد شوية جا خالي أوو هاز البيل دال الضوء أهو إضوي على الحوت أوبقى تيضحك هو الرياس منين جيت نشوف لقنا مشي حوت البوشيط ديال القصبة ديالي أوو بقينا تنظحكوا منين جيت نشحط القسبة مشفتش البوشيط كان لاسق في السنارة أوو شحطت به واحد شوي خالي سمع شي تقرقيب أوو تلافت الوراء أوو هو يشوف الكاميلة طايحة في الأرض أوو الماكلة تزلعات أهو يبان لنا واحد المش كبير شفر لينا الدجاجة أوو هربان أهو إتبعوا خالي أوو ما شدوش إوا بقيت تينضحك أنا أوو الرياس حتى بداو الدموع تيخرجوا ليا من عنيا إوا منين رجع خالي قال ليا ماكين لا حوت ولا دجاج.
مع تحياتي الخالصة لجميع الرياس هذا المنتذى الشييق.
هذه هدية لكم موقع مغربي 100/100 للنكات بالدارجة المغربية.
http://www.noukati.net//
الصـــــيد هوايــــــة لا إبـــــادة
للتواصــــــــــــــــــــل
|