رايسة ولا كل الرياس
 

ركبت الطعمة ورخيت السبيب
طامع في حوتة سمينة
ظهرت في الموجة صورة الحبيب
تاج البدور ديك القصبة الرزينة
مكمولة الأوصاف سبحان الرقيب
كيف الشميسة ضاوية زوينة
شوقها في الكنان شاعل لهيب
وغرامها في الخاطر دار روينة
هي الدوا الناجع هي الطبيب
هي الحاجب حامي العوينة
هي للجوارح نفح الطيب
تكسر الهموم وتهنينا
بالبهاء الفاتن تصرع كل صليب
غير قيسة ..... جمعنا وطوينا

اييييه .... شحال من واحد خرج عليه لبحر
كين لي ددداه او هناه
او كاين لي لهواه ما صاب ليه دواه
انا ما دايرو حرفة ما محيدو من بالي
او ديما فيه لوقت لي نسالي

ماعندي ما نقول الرايس
حرايفي وطراز لكلام
البحر يعشق الي يسايس
دقة دقة يضمن السلام
------------------
بان لي فيك صنايعي مولوع
وميزانك مساوي
كلامك نور واضح مسموع
ربي يكمل الرجا الي ناوي
-------------------
اشارة - أعجبني كثيرا بيتك الأخير فيه ابداع ولعب ذكي بالكلمات . برافو
أنا ما دايرو حرفة . ما محيدو من بالي
او ديما فيه لوقت الي نكون مسالي
برافو عليك الرايس . الله يحفظك من كيد العدا يا عسل ذايب في زبدة