[tarikwafae]

جواب على الأخ صياد جديد بخصوص احجام السنارة، فكلما كبر الرقم صغر الحجم، وهذه صورة توضيحيه

[صياد vجديد]

الف شكر اخي طارق واسف لاني تعبتك معي شكرا مرة تانية

[tarikwafae]

العفو اخي، حنا هنا كانتعلمو من بعضنا، حتى واحد ما معلم لي عارف شي حاجة تايوريها للاخر حتى تعم الفائدة.

[sam]

اوكي شكرا الرايس طارق، و فعلا عندك الحق القوادس عامرين حوت و لكن البلايص لي صافية اكثر يكون فيها احسن.. و الواحد غير من باب الوقاية و صافي را الوقت الخبار فراسك هههههه
البوري الذهبي انا سمعت فقط و لكن عمري شفتو الصراحة أو عرفت ما الفرق بين الاثنين !!
واخا اسيدي سؤال
التربيطة دوك الصنانر تتربطهم ب شمن عقدة فالدوارة الكبيرة لي تتدير بالسبيب ؟؟ أعني الصنارات الصغار كما وضحت في الصور ؟ و شكرا

[tarikwafae]

مرحبا خويا سام، دوك 7 سنارات كتربط كل واحدة ربطة عادية بسبيب قصير 5 سم تقريبا، من بعد كاتقاد ديك الدورة لكبيرة على شكل مشنقة باش تبقى تكليسي ملي تبغي تركب الخبز، ومن بعد كتربط فيها دوك السنارات لي وجدتي ربطة دلمشنقة باش يكونو يكليسيو حتا هوما، المهم المبدأ هو الربطة لكبيرة تكليسي، والسنارات يكليسيو. نتمنى يكون الشرح واضح.

[sam]

نعم أخي واضح بارك الله فيك شكرا. نعم انا فكرت ف المشنقة اسهل طريقة و لو ان الصنانر صغار شوية تتشد الوقت..
اما الربطة ديال الخبز واضح انها مشنقة فالصورة شكرا
انا فكرت ربما نضيف ربطة اخرى عند كل صنارة باش ما يتخبلوش و ما يكليسيوش على بعض، زعما تبقا كل وحدة فبلاصتها (ربطة خاوية ديال السبيب لمنع الانزلاق) و لكن بما انهم كثر اياخدو وقت اطول...
على كل حال شكرا الرايس بالتوفيق