[sam]

"] بصحتك اسيدي الله يخلهم عليك بالدراعة المزيانين و الحوت المزيان
يا أخي الفاضل كل على حسب طريقته
و تبارك الله كما شرح لك الرايس طارق زيد الماء زيد الدقيق
بحال التوش اتحتاج فرشية بحال بيلوطة اللدون صغير بحال اللونصي و هو المفضل عندي اتحتاج ما هو اكثر من ذلك
مثلا اللدون انا استعمل 50 80 100 120 على حسب الماريا: بلومة 100 الكيلو ب25 درهم فيه 10 ديال البلومات، 5 ب 12.50 درهم
الترقيعة على حسب نتا شمن خيط داير فالموليني، حسب الصنارة و الحوت و الطعمة ! لا درتي روطال أو سردين يلزمك صنارة كبيرة بعض الشيء و لا درتي الدود و غيره راك تتدير صغار بعض الشيء من 17 16 15 14 13 12
أنا شخصيا أستعمل الصنانر الكوشيين
كما قال الرايس طارق الصنانر تتاخد بالزينة فيها 12 الحبة و الزينة 3درهم تقريبا لحجم 14 او 13 و هما يفيدان بالغرض، حتا 15 مزيانة و البكية ديال الصنانر من 10 الى 13 ل درهم على حسب (لا تنسى هنا تنهضرو عل ماتيريال standard عادي زعما اضعف الايمان)
السبيب كاين ديال الموليني تتاخذ مثلا 300 الى 500 متر ب25درهم الى 50 درهم من فئة 40 او ل 45 او ل 50
و السبيب للترقيعة يكون اقل في الحجم و ليس ضروري ارخص فالثمن: مثلا ترقيعة 28 او 30 او 35 (للصنارة متوسطة) تيبدا من 100 متر ب 10 درهم او 7 كما وضح الرايس طارق، و ايلا بغيتي الصح كاين غير 50متر مثلا ب 30 درهم
الفرشيات لعلك ترضى
الخراصي دوبل و تريبل خاصة صحاب اللونصي: دوبل ب 50 سنتيم و تريبل ب 80 سنتيم
كاين عدد من الأشياء خاصة les accessoires تيمشيو فيهم الفلوس الصراحة، و لذلك ان كنت مبتدأ جديد فالصيادة فشخصيا انصحك بأنك تاخد الماتيريال standard بالنسبة لصنانر و السبيب و هادشي حى تتمكن شيئا فشيئا سوف تبدأ لوحدك بملاحظة الفرق في الماتيرال و تبدا تاخد راسك شوية بشوية تطلع فالثمن..
مثلا السبيب او الترقيعة: تقدر صنارة عادية توغل و ايلا كانت من العاديين تقدر تهرس و تطلع بلا ما تضيع الترقيعة كاملة
و تقدر تكون صنارة مزيانة صحيحة و لكن لا وغلات صعيب تفكها بلا ما تقطع كولشي
السبيب كذالك: يقدر يكون باين فالما بزاف تيخايل على الحوت و تقدر تشري سبيب و لو غالي و انما ناقص في l visibilite' ديالو و قوي بحيث لا قاست عليك شي حاجة يكون عندك مقومات تطلعها
يعني الاحتمالات كبيرة بزاف و بالتالي غالب الوقت تحاول توازن فالماتيريال و خير الامور اوسطها، و اااااسف جدا للاطالة و لكن يا اخي تا واحد ما عارف شنو تيكون فالعمق و ما الذي يحدث.....
ز نعم القصبة تيليسكوبيك مزيانة للحوت الصغير الى متوسط و انا افضلها لأنها سهلة و ما تاتعطلكش بزاف لا فبلاصة و لا فخفة تجمع و تطوي..
و أن كنت من رياس ديال الرباط مرحبا لا فالصيد او نديوك تاخد الماتيريال