هل من رياس من الرباط سلا تمارة الصخيرات كي نستفيد منهم
 

السلام عليكم هاد المنتدى زويييييييين بزاف ولكن ناعس شكون ينضم معانا نفيقو هاد المنتدى شويا
بغينا نستافدو منكم الله يجازيكم بخير
اللي من الرباط سلا تمارة والنواخي او حتى اللي بعا يفيدنا الف مليون مرحبا

ىياس يلا واش الصيد بمنطقة بوشوك الهزارات الشليرة والحجرة المقطوعة الصيد كيف داير فهاد البلايص ؟؟؟؟ ممنوع طل وهرب تفاعلو كعنا هههههه

اللي كيطل ويهرب بغيتو وقتما صيد يشد غير الباربار واللي يكتب شي رد بغيت ليه غير الكوربين والدرعي

رياس من سلا
 

هانا لأخويا طليت و ماهربتش. كاين شي ما نقضيو. المصايد اللي دكرتيهم كلهم مزيانين و لكن خاص الطعم يكون عندك مزيان و صيادة الليل فيهم ا حسن من الصيد بالنهار. خاصك لحنيش أو لقبمرون حي, الدودة ديال الواد أولا السردين ما نافعينش بزاف, اللهم الى باغي سبيبي, لبوقة, أولا لفرخ و لمرينة بالليل, مرة مرة يقدر يطلع الزهر و تضرب شي حاجة مزيانة. السلام

واااااااااااااا الإخوان واش كيان شي رياس هنا ؟؟؟
انا باقي مافهمتش هاد المنتدى مزيان ! في يمكن ليك تلقا الرياس المسجلين ؟ و تواصل معاهم بشكل مباشر؟ انا جديد فالمنتدى و تنقلب على الرياس نستافدو معاهم شوية، والو الحوت هاد الايام هادي اكثر من شهرين اولا 3 ما بان والو.. كاين شي واحد تيعرف شي مصيد مزاين فنواحي الرباط هرهورة الصخيرات يفيدنا معاه ؟؟ شكرا

واااااااااااااا الإخوان واش كيان شي رياس هنا ؟؟؟
انا باقي مافهمتش هاد المنتدى مزيان ! في يمكن ليك تلقا الرياس المسجلين ؟ و تواصل معاهم بشكل مباشر؟ انا جديد فالمنتدى و تنقلب على الرياس نستافدو معاهم شوية، والو الحوت هاد الايام هادي اكثر من شهرين اولا 3 ما بان والو.. كاين شي واحد تيعرف شي مصيد مزاين فنواحي الرباط هرهورة الصخيرات يفيدنا معاه ؟؟ شكرا
هذا ايميلي لي بغا التواصل [email protected]
انا ابحث عن رايس PROFESSIONAL يكون صاحب خبرة نتعلمو منو و تيعرف المصايد مزيان ف هاد النواحي المذكورة. للأسف بقوة لي ما بانش كاع الحوت هاد الأيام "أكثر من 3 شهور" قلنا واقيلا مابقينا نفهمو فالصيادة والو و لذلك قلنا نعاودو نتعلمو من جديد ايوا عليك الكريم. شكرا

ادى جيتي طنجة مرحبابك خوك يديك لاحسن الاماكن للصيد.هادا جهدي عليك.

شكرا خويا
 

الرايس مبتدئ انا من الرباط.
كان شي مصيد مزيان ؟ والو 3 شهور هادي والو ما بانش الحوت كاع !!
شي تيقول ضربو الحوت شي تيقول لا باقي وقتو ماعرفنا معامن نهضرو
او الناس شوية تتبخل علينا بالإفادة
رايس طانجاوي العز، الله يحفظك خويا بارك الله فيك. نتوما تبارك الله الشمال موجود الخير ديال الصيادة

كاين مايتدار . بالحق خاصك تصيد بطعم ديال المنطقة دودة الحنييش و القيمرون. حتى البوخو خدام مزيان و السردين . المهم انا تنصيد بالطعم لي قلتلكم . احسن صيد تيكون بالليل